Die men numde zich al sjnel “De Sjravelaers” en ze ginge euverligke mit Josje, van café Hendrikx aan de Julianastraot in Herte. Nao ‘n kort gesjprek en de neudige pöt beer ware ze d’r oet. Herte kreeg ‘n mannezitting die gehaaje zou waere in Café Hendrikx.
Besjlaote waerde om de men, wovan de vrouwluuij nao de Vrouwluujzitting ginge op te roope om nao de mannezitting te komme. Men vonj ut nieks om de zitting ‘n mannezitting of ‘n Herrenzitsung te numme. Nae ’t waerde De Treurzitting. Op dees zitting koste de men den biejein komme “treuren” omdet häör vrouwe nao de Vrouwluujzitting ware.
Vanaaf 2002 waerd er dan noe auch eine keer per jaor flink GETREURD!!
Diverse artieste oet Limburg hubben al een poging gedaon om de men weer bliej te laote kieke , of det lök, mot geer maar aan de men vraoge die d’r al ins biej zeen gewaes.
De Vrouwluujzitting weurt noe neet meer op dezelfde daag es de Treurzitting gehaje, maar De Sjravelaers vinje det gein raeje om neet meer same te “treuren”. Ziej en de jaorliks aanwezige men vinje det ze eine keer per jaor biej ein motte komme om te “treuren”.
De Sjravelaers